Boinh Łukašenki vylecieŭ z Maskvy ŭ Ćviarskuju vobłaść RF
Boeing 737-800 z bartavym numaram EW-001PA, na jakim Alaksandr Łukašenka palacieŭ u Maskvu na sustreču z Uładzimiram Pucinym, siońnia ŭ 14:02 MSK vylecieŭ z maskoŭskaha aeraporta «Unukava» i pryziamliŭsia ŭ Ćviarskoj vobłaści RF, śviedčać źviestki servisu Radarbox.com, zaŭvažyŭ Reform.by.
18.02.2023 / 15:00
Ci znachodzicca na borcie sam Alaksandr Łukašenka abo jaho pierahnali ŭ Ćviarskuju vobłaść biez «pieršaha» pasažyra, pakul nie jasna.
Chutčej za ŭsio, Łukašenka pajechaŭ z Pucinym u rezidencyju na Vałdaj. Niezrazumieła tolki, na ciahniku razam ź im ci asobna.
Z učorašniaha dnia pra los Łukašenki ničoha nie viadoma. Apošnija paviedamleńni tyčylisia aficyjnaj častki sustrečy, dzie Łukašenka i Pucin abmianialisia pakazalnymi replikami, jakija paćviardžajuć raptoŭnaść sustrečy. «Jak byccam ja moh nie pahadzicca!» — uskliknuŭ Łukašenka ŭ adkaz na słovy Pucina, jaki padziakavaŭ za vizit.