«Амкадор» скупляе заводы за мяжой
Беларускім прадпрыемствам набыты бранскі завод «Энергазапчастка»
30.10.2009 / 12:53
29 кастрычніка ААТ «Амкадор» набыў бранскі завод «Энергазапчастка», які з'яўляецца вытворцам запасных частак для цеплаэнергетычнага абсталявання. Гэта дазволіць больш актыўна прасоўваць прадукцыю «Амкадора» на расійскі рынак.
Паводле дамовы беларуская кампанія выкупіла маёмасць і пазыкі расійскага прадпрыемства.
Гэта ўжо другі завод, які сёлета купіў «Амкадор».Першым быў Пабяржскі завод сельскагаспадарчага машынабудавання ў раёне Вільні.