Aŭtamabilny rynak Biełarusi abvaliŭsia na 63,2%, rastuć tolki elektramabili
Pa vynikach minułaha hoda aŭtamabilny rynak Biełarusi abvaliŭsia na 63,2% navat adnosna nie samaha ŭdałaha 2021 hoda. Pra heta na pres-kanfierencyi Biełaruskaj aŭtamabilnaj asacyjacyi raskazaŭ pradstaŭnik BAA, dyrektar UP «BAA-Kansałt» Dźmitryj Jarota.
21.02.2023 / 18:24
Fota ilustracyjnaje
Samy papularny B-kłas upaŭ na cełych 68%, inšyja kłasy taksama značna stracili. Ale jość i vyklučeńnie.
«Elektramabili prademanstravali rost na 28%», — paviedamiŭ ekśpiert, padkreśliŭšy, što havorka idzie pra aficyjnyja prodažy dyleraŭ. Ale bolšaść takich madelaŭ, jakija sustrakajucca na biełaruskich darohach, uvieziena pa inšych kanałach.
U top-3, pavodle źviestak dyleraŭ, uvajšli Geely Geometry C, Audi e-tron i Porsche Taycan.
Hienieralny dyrektar «Biełdžy» Hienadź Śvidzierski dadaŭ, što infrastruktura dla elektramabilaŭ u Biełarusi vielmi chutka raźvivajecca, adnak jość faktary, jakija heta strymlivajuć: cana mašyn i mahčymaść pastavak.