Palitviazień Ryhor Kastusioŭ z-za krataŭ pavinšavaŭ biełarusaŭ z Dniom rodnaj movy
Vinšavańnie pieradaŭ ziać Ryhora Kastusiova Dźmitryj Antončyk, jakomu siońnia ŭdałosia parazmaŭlać z palitviaźniem.
21.02.2023 / 18:36
«Tolki što razmaŭlaŭ z Ryhoram Kastusiovym. Trymajecca dobra. Usim pryvitańni i vinšavańni z nahody Dnia rodnaj movy», — napisaŭ Dźmitryj Antončyk.
Ryhor Kastusioŭ byŭ zatrymany 12 krasavika 2021 hoda ŭ Škłovie pa spravie ab «zachopie ŭłady». Jaho abvinavacili pavodle art. 357 KK — «Zmova ci inšyja dziejańni, ździejśnienyja z metaj zachopu dziaržaŭnaj ułady». 5 vieraśnia 2022 hoda sud pryznaŭ Ryhora Andrejeviča vinavatym i prysudziŭ jamu 10 hadoŭ źniavoleńnia ŭ kałonii va ŭmovach uzmocnienaha režymu. 9 śniežnia MUS dadało palitviaźnia ŭ «śpis ekstremistaŭ».
Za kratami ŭ byłoha lidara Partyi BNF vyjavili ankałahičnaje zachvorvańnie.