Byłoha ŭkrainskaha ministra i hienprakurora pryznačyli kamandziram uzvoda USU
20 lutaha kapitana Juryja Łucenku pryznačyli kamandziram uzvoda ŭdarnych bieśpiłotnych avijacyjnych kompleksaŭ. Juryj Łucenka — viadomy ŭkrainski palityk, jaki ŭ svoj čas byŭ ministram unutranych spraŭ i hienprakuroram.
22.02.2023 / 23:00
Pra pryznačeńnie Juryja Łucenki paviedamiła pres-sakratarka palityka Łarysa Sarhan u sacsietkach.
Pa słovach žonki Juryja Łucenki Iryny, spačatku były vysokapastaŭleny siłavik byŭ u terabaronie Kijeva, paźniej u Mikałajevie i na chiersonskim kirunku. Ale ŭžo bolš za try miesiacy jon słužyć u Bachmucie i Saladary. Nie tak daŭno Łucenku było prysvojena zvańnie kapitana.
Ministram unutranych spraŭ Juryj Łucenka byŭ u 2005—2006 i 2007—2010 hadach, hienieralnym prakuroram — u 2016—2019 hadach. Jon byŭ lidaram niekali ŭpłyvovaj partyi «Narodnaja samaabarona», ciesna supracoŭničaŭ z Viktaram Juščankam, a paśla z Piatrom Parašenkam.