U Minsku začepier pakataŭsia na tralejbusie VIDEA
Zdareńnie adbyłosia na vulicy Charkaŭskaj u niadzielu kala 15:00, piša Onliner.by.
27.02.2023 / 15:21
«Pry pavarocie na vulicu Charkaŭskuju ja zaŭvažyŭ, što la tralejbusa niejkaja mituśnia — vyrašyŭ, što transpart złamaŭsia. Ale, padjechaŭšy bližej, ubačyŭ «šou»: padletak u čyrvonaj kurtcy dapamahaje začapicca za tralejbus svajmu tavaryšu i pierabiahaje darohu. Druhoje dzicia praciahvaje ruch, pavisšy na leśvicy, — kamientuje rolik Mikałaj. — Usio, što adbyvajecca, jon zdymaŭ na ekšen— kamieru, jakaja była zamacavanaja ŭ jaho na łbie».
Mikałaj padaŭ hukavy sihnał tralejbusu, toj spyniŭsia. Adnak, jak śćviardžaje mužčyna, pakul jon tłumačyŭ kiroŭcu, u čym sprava, padletak uciok.
Dla «začepieraŭ» u PDR jość patrabavańnie «vykonvać miery biaśpieki, praduhledžanyja kanstrukcyjaj TS i praviłami pieravozki pasažyraŭ» (punkt 23.3). U dadzienym vypadku niepryjemnaści mohuć pahražać i kiroŭcu: punkt 181.2 PDR praduhledžvaje, što pieravozić pasažyraŭ pa-za sałonam (kabinaj) aŭtamabila zabaraniajecca.