Kamandavańnie USU: Situacyja pad Bachmutam vielmi napružanaja
Pavodle infarmacyi kamandavańnia Uzbrojenych sił Ukrainy, abstanoŭka pad Bachmutam, jaki ciaham apošnich miesiacaŭ sprabujuć zachapić rasijskija vojski, stanovicca ŭsio bolš napružanaj. Rasijanie nie pakidajuć sprobaŭ uziać horad u koła, niahledziačy na kałasalnyja ludskija straty, paviedamiŭ u aŭtorak kiraŭnik ukrainskich suchaputnych vojskaŭ, hienierał-pałkoŭnik Alaksandr Syrski.
28.02.2023 / 12:21
Pavodle jaho słoŭ, na pieradavoj tam zmahajucca najbolš padrychtavanyja šturmavyja atrady «Vahniera», jakija sprabujuć prarvać abaronu ŭkrainskich vojskaŭ i akružyć horad.
U noč na aŭtorak ciažkaje stanovišča na bachmuckim kirunku pryznaŭ i prezident Ukrainy Uładzimir Zialenski.
«Praciŭnik pastajanna źniščaje ŭsio, što možna vykarystoŭvać dla abarony našych pazicyj-kab zamacavacca i zabiaśpiečyć abaronu», — zajaviŭ Uładzimir Zialenski
Pry hetym aktyŭnaść rasijskaha nastupu nie źnižajecca. Sa słoŭ namieśnika ministra abarony Ukrainy Hanny Malar, rasijskaje kamandavańnie pavialičvaje intensiŭnaść napadaŭ, vykarystoŭvajučy taktyku tatalnaha źniasileńnia i tatalnaha źniščeńnia.
Padobnaja taktyka abychodzicca rasijanam niatanna: pa padlikach ukrainskaha boku, štodnia atakujučyja siły hublajuć pad Bachmutam ad 600 da 1000 čałaviek. Padobnyja acenki pryvodziać i zachodnija analityki.
U dadatak da hetaha z nabližeńniem viasny źmiorzły hrunt pačynaje rastavać i pieratvarajecca ŭ brud, dzie nieadkładna pačynaje ŭviazać vajennaja technika. Pierasoŭvacca ŭ takich umovach braniravanymi kałonami praktyčna niemahčyma, tak što, pavodle acenak ekśpiertaŭ, u bližejšyja niekalki tydniaŭ linija frontu maje šancy niekalki stabilizavacca.