Entani Blinkien i Siarhiej Łaŭroŭ upieršyniu sa studzienia 2022 hoda sustrelisia asabista
Karotkaja sustreča adbyłasia ŭ kułuarach pasiadžeńnia ministraŭ zamiežnych spraŭ G20 u Ńju-Deli. Hutarka doŭžyłasia kala 10 chvilin.
02.03.2023 / 17:01
Dziaržsakratar ZŠA padčas karotkaha dyjałohu na samicie G20 zapeŭniŭ kiraŭnika MZS RF u tym, što Złučanyja Štaty buduć padtrymlivać Ukrainu «stolki, kolki heta budzie patrebna» i zaklikaŭ Rasiju admianić rašeńnie ab prypynieńni ŭdziełu ŭ Damovie ab skaračeńni stratehičnych nastupalnych uzbrajeńniaŭ.
Što adkazaŭ Blinkienu Łaŭroŭ, krynicy zachodnich vydańniaŭ nie ŭdakładnili, zaznačyŭšy, što dziaržsakratar ZŠA pa-raniejšamu nie bačyć pierśpiektyŭ taho, što palityka Rasii źmienicca ŭ najbližejšy čas.
U apošni raz Entani Blinkien i Siarhiej Łaŭroŭ asabista sustrakalisia na pieramovach u Ženievie 21 studzienia 2022 hoda, za miesiac da pačatku poŭnamaštabnaha rasijskaha ŭvarvańnia va Ukrainu.