Homielskamu jurystu Alehu Šamkinu praciahnuli aryšt na 15 sutak
Stała viadoma, što siońnia znoŭ asudzili homielskaha jurysta Aleha Šamkina. Zrabili heta pavodle art. 19.11 KaAP za łajk pad videa na YouTube-kanale telekanała «Biełsat». Suddzia Savieckaha rajona Homiela Alaksandr Mocharaŭ dadaŭ jurystu jašče 15 sutak aryštu da ŭžo adsiedžanych dziesiaci, piša «Viasna».
02.03.2023 / 21:10
Indyvidualny pradprymalnik i juryst Aleh Šamkin byŭ vyklikany ŭ Homielski abłasny addzieł KDB 21 lutaha. Na volu paśla taho jon tak i nie vyjšaŭ.
U Savieckim RAUSie Homiela na jaho skłali pratakoł pavodle art. 19.11 KaAP za raspaŭsiud ekstremisckich materyjałaŭ. Na nastupny dzień nad Aleham adbyŭsia sud. Vynikam staŭ 10 sutak administracyjnaha aryštu. Ciapier hety aryšt praciahnuty.