Čamu varta być aściarožnym z sajtam «kamisii pa viartańni»
Ułady zapuścili sajt «kamisii pa viartańni», dzie adzin nacisk knopki moža vydać ID vašaha telehama.
06.03.2023 / 19:39
Fota: komissia-dom.by
Paśla naciskańnia knopki «Źviarnucca ŭ Kamisiju» vam prapanujuć adkryć telehram-bot. Spasyłka na knopku pierachodu ŭ telehram składzienaja tak, što pa naciskańni vy adrazu zapuskajecie bot i vydajecie ID vašaha akaŭnta, zaŭvažyła «Jeŭraradyjo».
Zrešty, pa takim pryncypie pracujuć praktyčna ŭsie boty.
Nie jasna, ci heta spłanavanaja akcyja pa zbory ID akaŭntaŭ biełarusaŭ zamiežža, ale lepš nie naciskać na knopku «Telegram», kali vy nie peŭnyja ŭ abaronienaści vašaha akaŭnta. Sam bot prosta dazvalaje dasłać zvarot u «kamisiju pa viartańni».
Spasyłka stvoranaja tak, kab adrazu zapuskać bot i vydavać vaš ID. Fota: komissia-dom.by
Admietna taksama, što sajt byŭ «zdadzieny» roŭna praz miesiac paśla rehistracyi damiena — vidać, taki byŭ zahad da techničnych supracoŭnikaŭ prakuratury. A infarmacyju pra adkaznaha na sajt supracoŭnika paśla našaj publikacyi Hienprakuratura vyrašyła schavać.