«Ruski dom» u Homieli adpraŭlaje miascovych školnikaŭ u anieksavany Krym
Pradstaŭnictva Rasijskaha centra navuki i kultury ŭ Homieli, viadomaje jak «Ruski dom», praviało konkurs siarod miascovych školnikaŭ pad nazvaj «Žyvaja kłasika». Zhodna z zadumaj konkursu, biełaruskija dzieci pavinny vyrazna i artystyčna čytać uryŭki z viadomych rasijskich litaraturnych tvoraŭ, paviedamlaje miascovaje vydańnie «Štodzień».
14.03.2023 / 23:42
Pavodle arhanizataraŭ, ad Homiela ŭ konkursie pryniali ŭdzieł 24 dziciaci.
Usim udzielnikam padaryli dypłomy i knižki. A pieramožcu, vučnia 4-ha kłasa miascovaj himnazii №36 imia Ivana Mieleža čakaje pucioŭka ŭ krymski łahier «Artek».
Zhadanaja navučalnaja ŭstanova, darečy, adzinaja na ŭvieś paŭmiljonny Homiel, u jakoj jość biełaruskamoŭnyja kłasy.