U Varšavie projdzie źjezd biełarusaŭ-katalikoŭ, jakija žyvuć za miažoj i chočuć malicca pa-biełarusku
15 krasavika ŭ Varšavie adbudziecca źjezd biełarusaŭ katalickaha vieravyznańnia, jakija časova ci pastajanna žyvuć za miažoj i žadajuć malicca pa-biełarusku, paviedamlaje Catholic.by. Meta sustrečy — paznajomicca i abmierkavać raźvićcio biełaruskich supolnaściaŭ pa-za miežami Baćkaŭščyny.
16.03.2023 / 19:43
Biełaruskaja imša ŭ adnym z polskich kaściołaŭ. Fota: catholicby.pl
Sustreču arhanizujuć pradstaŭniki biełaruskich katalickich supolnaściaŭ u Polščy, jakija źbirajucca na malitvy na rodnaj movie ŭ Varšavie, Hdańsku, Biełastoku, Lublinie, Łodzi, Krakavie, Urocłavie i Poznani.
«Dla kahości heta budzie miesca pošuku adnadumcaŭ, a dla kahości — krok, kab pačać malicca pa-biełarusku», — adznačajuć arhanizatary.
Sustreča adbudziecca 15 krasavika pry parafii śviatoha Alaksandra (plac Troch kryžoŭ, Varšava).
Čytajcie taksama:
U Polščy šyracca biełaruskamoŭnyja słužby ŭ kaściołach. Dzie i kali ich možna naviedvać?
Papa Francišak pamaliŭsia za mir va Ukrainie pierad biełaruskim abrazom