Zasnavalnik rasijskaha hurta Cream Soda pravaliŭsia pad lod z kampanijaj siabroŭ. Adzin ź ich zahinuŭ, jašče traich šukaje MNS
U noč na 20 sakavika niekalki čałaviek, u liku jakich byŭ suzasnavalnik rasijskaha hurta Cream Soda Dźmitryj Śvirhunoŭ (Dzima Nova) i jaho siabry, pravalilisia pad lod, hulajučy pa Vołzie ŭ Jarasłaŭskaj vobłaści. Adzin čałaviek zahinuŭ, jašče traich, uklučajučy Śvirhunova, šukaje MNS.
20.03.2023 / 15:56
Dźmitryj Śvirhunoŭ. Fota: creamsodamusic / Instagram
«Siońnia nočču ŭ nas adbyłasia trahiedyja. Naš Dzima Nova ŭ kampanii siabroŭ hulaŭ pa Vołzie i pravaliŭsia pad lod. Dzimu, jaho brata Romu i siabra Hošu Kisialova dahetul šukaje MNS. Arystarcha, našaha siabra, jaki taksama pravaliŭsia pad lod, udałosia dastać, ale nie ŭdałosia vyratavać», — havorycca ŭ zapisie hurta ŭ Instagram.
U administracyi Niakrasaŭskaha rajona Jarasłaŭskaj vobłaści paviedamili, što kampanija z 10 čałaviek, jakaja adpačyvała ŭ vioscy Dzijeva-Haradziščy, vyrašyła schadzić u susiedniuju viosku pa lodzie Vołhi. Na zvarotnym šlachu lod nie vytrymaŭ i piaciora čałaviek apynulisia ŭ vadzie.
Miesca zdareńnia. Fota: prakuratura RF
Dvaim ź ich udałosia vybracca, adnak pa darozie ŭ balnicu adzin z vyratavanych, 27-hadovy muzykant Arystarch Uchtomski, pamior u mašynie chutkaj dapamohi.
Jarasłaŭski elektronny hurt Cream Soda viadomy trekami «Płaču na techna» i «Nijakich bolš viečarynak».
Abnoŭlena. Paźniej ekstranyja słužby Jarasłaŭskaj vobłaści pacvierdzili, što Dźmitryj Śvirhunoŭ zahinuŭ.