«Chałady jašče viernucca» — sinoptyki pra nadvorje na kaniec sakavika
Kaniec sakavika i pačatak krasavika ŭ Biełarusi buduć chałodnymi, raspaviała siońnia pradstaŭnica Hidramieta Taćciana Čatyrka.
23.03.2023 / 15:44
Čakajecca, što tempieraturny fon istotna panizicca 28 sakavika. U našu krainu pačnie pastupać vielmi chałodnaje pavietra sa Skandynavii.
«Tak što viartańnie chaładoŭ jašče budzie. Kaniec sakavika i pačatak krasavika buduć chałodnymi. Takich ciopłych dzion, jak ciapier, u hety pieryjad nie budzie», — skazała Taćciana Čietyrko.
Pavodle prahnozu sinoptykaŭ, da kanca hetaha tydnia i na pačatku nastupnaha terytoryja Biełarusi budzie znachodzicca va ŭładzie atmasfiernych frantoŭ, jakija źmiaščajucca z Zachodniaj Jeŭropy. Tamu biez apadkaŭ u vyhladzie daždžu nie abydziecca. Adnak tempieratury buduć pavyšanyja.
Ale z aŭtorka pachaładaje. Budzie navat śnieh, mokry śnieh, doždž. Unačy budzie ad minus 3 da plus 4, pa ŭschodzie — plus 5-8 hradusaŭ. Dniom budzie ad nula da plus 7, pa ŭschodzie — plus 8-12.