У Гомелі прадавачка клала выручку сабе ў кішэню. Так накрала 28 тысяч рублёў
У Гомелі прадавец прыватнай крамы на працягу амаль трох месяцаў прысвойвала грошы і тавар, паведамляе МУС.
24.03.2023 / 09:45
Дырэктар крамы пераглядаў архіў відэаназірання і ўбачыў, як прадавец узяла гатоўку з касы і паклала грошы сабе ў кішэню. Затым выявіўся яшчэ адзін такі ж эпізод. Кіраўнік даручыў правесці інвентарызацыю. Яе вынікі паказалі, што ёсць нястача. Уладальнік гандлёвага аб'екта заявіў у міліцыю.
Аператыўнікі АБЭЗ Савецкага РАУС Гомеля ўстанавілі: з лістапада мінулага года да канца студзеня 2-гадовая прадавец перыядычна брала не толькі грошы з касы, але і неаплачаныя прадукты з крамы. У выніку агульная сума шкоды перавысіла 28,5 тыс. рублёў.
Распачата крымінальная справа за прысваенне ў буйным памеры.
Нецвярозы мінчук падпаліў чужы «Запарожац» і станцаваў каля яго
Пʼяны віцяблянін з пнеўматыкі абстраляў дзверы аддзела прымусовага выканання