Экс-прэзідэнт Эстоніі ледзь пазбег цяжкай аварыі: сустрэчны грузавік зачапіў яго машыну і знёс бакавое люстэрка
Прэзідэнт Тоомас Хендрык Ільвес у мінулую нядзелю трапіў на дарозе ў небяспечную для жыцця сітуацыю: цяжкі грузавік MAN, які рухаўся насустрач, зачапіў яго аўтамабіль Subaru, паведамляе Delfi.ee.
28.03.2023 / 15:06
26 сакавіка ў 16.20 у цэнтр трывогі паведамілі аб ДТЗ на 13-м кіламетры шашы Тыйтоя — Хяэдэмеэсце з удзелам легкавога аўтамабіля Subaru і грузавога аўтамабіля MAN, які перавозіў буйнагабарытны груз.
Як паведаміў начальнік Пярнускага аддзялення паліцыі Юлар Кют, грузавік рухаўся разам з аўтамабілем суправаджэння ў напрамку Хяэдэмеэстэ, а Subaru — з Хяэдэмеэстэ ў бок Тыйтоя, калі знак, які пазначае буйнагабарытны груз, закрануў бакавое люстэрка Subaru з боку кіроўцы.
У інцыдэнце ніхто не пацярпеў, абодва кіроўцы былі цвярозымі. За рулём грузавога аўтамабіля быў 32-гадовы мужчына, а за рулём Subaru — 69-гадовы мужчына. Легкавым аўтамабілем кіраваў экс-прэзідэнт Тоомас Хендрык Ільвес.
У выніку ДТЗ быў нанесена толькі матэрыяльная шкода. «Кіроўцы дасягнулі паміж сабой дамоўленасці, паліцыя дапамагла ім на месцы з афармленнем дакументаў па дарожнай страхоўцы», — удакладніў Кют.
На гродзенскай трасе з'ехаў у кювет аўтобус Мінск — Вільня