Za padryŭ milicejskaj mašyny minčuku dali 15 hadoŭ kałonii
U sudzie Centralnaha rajona Minska asudzili Maksima Sielaźniova. Jaho pryznali vinavatym u ździajśnieńni «akta teraryzmu ŭ metach akazańnia ŭździejańnia na pryniaccie rašeńniaŭ orhanami ŭłady, zastrašvańnia nasielnictva i destabilizacyi hramadskaha paradku».
31.03.2023 / 18:06
Jak piša «Viasna», suddzia Dźmitryj Karsiuk pryznačyŭ jamu 15 hadoŭ kałonii va ŭmovach uzmocnienaha režymu i štraf u pamiery 200 bazavych vieličyń. Taksama pa hetaj spravie da troch miesiacaŭ aryštu za «niedaniasieńnie ab złačynstvie» asudzili Dźmitryja Marcinkieviča.
Nahadajem, zdareńnie adbyłosia ŭ noč z 7 na 8 studzienia 2022 hoda niedaloka ad budynka Centralnaha RUUS Minska. Paźniej SK paviedamiŭ pra zatrymańnie 45-hadovaha minčuka, jaki nibyta mieŭ dačynieńnie da padryvu aŭto, a taksama da paškodžańnia «Tabakierki» i urny dla śmiećcia na Staravilenskim trakcie.
Čytajcie taksama:
Što viadoma pra mužčynu, jakoha vinavaciać u padryvie aŭto kala Centralnaha RUUS?
«Vykanaŭca, imavierna, były vajskoviec». Ekśpiert razabraŭ videa padryvu milicejskaj mašyny
MUS pacvierdziła padryŭ milicejskaha aŭto kala RUUSa. Padazravanaha zatrymali