Уначы Расія абстраляла Украіну ракетамі. Ёсць ахвяры
Над Кіевам былі збітыя 11 ракет, там ахвяр няма
28.04.2023 / 07:24
Абстрэл ва Умані. Скрыншот відэа
У раёне Кіева падчас расійскага ракетнага налёту гэтай ноччу былі збітыя 11 ракет і два беспілотнікі, ахвяр сярод мірнага насельніцтва няма, — паведаміў кіраўнік Кіеўскай гарадской вайсковай адміністрацыі Сяргей Папко.
Па словах кіраўніка адміністрацыі, у адным месцы сталіцы абломкі ракеты пашкодзілі лінію электраперадач і дарожнае пакрыццё, іншых разбурэнняў пакуль не зафіксавана.
Папко нагадаў, што гэты ракетны налёт на сталіцу расіяне здзейснілі праз 51 дзень пасля папярэдняга: ён быў 9 сакавіка.
А вось у Дняпры ў выніку налёту загінулі жанчына і трохгадовае дзіця.
Ва Умані ракета трапіла ў жылы дзевяціпавярховік, разбурыўшы цэлы пад'езд. Звестак аб ахвярах пакуль няма.
Ва Умані працуюць ратавальнікі, медыкі і паліцыя.