Зяленскі: З наступам нам трэба пачакаць
Прэзідэнт Украіны Уладзімір Зяленскі заявіў Бі-бі-сі, што ягонай краіне трэба больш часу, каб пачаць доўгачаканы контрнаступ супраць Расіі, бо вайскоўцам па-ранейшаму патрэбная абяцаная заходняя дапамога.
11.05.2023 / 10:48
Фота: Офіс прэзідэнта Украіны
«З [тым, што ў нас ёсць] мы можам ісці наперад і дамагчыся поспеху. Але мы страцілі б шмат людзей. Я думаю, што гэта непрымальна», — сказаў Зяленскі.
«Так што нам трэба пачакаць. Нам усё яшчэ трэба крыху больш часу», — дадаў ён.
Чаканы наступ можа стаць вырашальным у вайне, якая на працягу некалькіх месяцаў заставалася нязменнай. Ён таксама можа стаць вырашальным выпрабаваннем для Украіны, якая імкнецца даказаць, што атрыманая заходняя дапамога можа прывесці да буйных перамог на поле бою.