U salihorskaha «Šachciora» zabrali čempijonstva 2022 hoda, a taksama 30 ačkoŭ u hetym siezonie
Dziasiatki hulcoŭ dyskvalifikavanyja.
11.05.2023 / 12:04
Asacyjacyja Biełaruskaja fiederacyja futboła pryniała surovaje rašeńnie pa damoŭnych matčach u biełaruskim futbole.
Jak paviedamlaje ABFF, kamitetam kantrolna-dyscyplinarnym i pa etyčnych pytańniach ABFF byli razhledžany źviestki, jakija pastupili sa Śledčaha kamiteta, ab tym, što padčas čempijanatu krainy kiraŭnictvam «Šachciora» byli arhanizavany damoŭnyja matčy, a taksama ažyćciaŭlałasia niepravamiernaje finansavaje stymulavańnie kamand vyšejšaj lihi, paśla čaho była raspačata dyscyplinarnaja vytvorčaść, u ramkach jakoha było apytana bolš za 20 čałaviek.
Voś jakoje pakarańnie vyniesiena «Šachcioru»:
- štraf u pamiery 10 000 bazavych vieličyń (370 000 rubloŭ), pazbaŭleńnia 30 bałaŭ u čempijanacie-2023,
- pazbaŭleńnie 20 bałaŭ u čempijanacie ŭ nastupnym hodzie siarod kamand vyšejšaj (abo pieršaj) lihi,
- pazbaŭleńnia atrymanych załatych uznaharod u čempijanacie-2022,
- anulavać vynik matča «Šachcior» — «Biełšyna» (12.11.2022), prysudzić «techničnuju parazu» «Šachcioru» i «Biełšynie».
Štrafnyja sankcyi ŭ dačynieńni da FK «RCAR BDU» («Enierhietyk»)
- kančatkovaje dyscyplinarnaje pakarańnie ŭ vyhladzie štrafu ŭ pamiery 2 000 bazavych vieličyń (74 000 biełaruskich rubloŭ),
- pazbaŭleńnie 20 bałaŭ u čempijanacie 2023 hoda, pazbaŭleńnie 10 bałaŭ ŭ čempijanacie 2024 hoda siarod kamand vyšejšaj (pieršaj) lihi,
- pazbaŭleńnie atrymanych siarebranych uznaharod u čempijanacie 2022 hoda.
FK «Biełšyna»
- štrafu ŭ pamiery 2 000 bazavych vieličyń (74 000 rubloŭ), pazbaŭleńnia 10 bałaŭ u čempijanacie 2023 hoda,
- pazbaŭleńnia 5 bałaŭ u čempijanacie 2024 hoda siarod kamand vyšejšaj (pieršaj) lihi;
- anulavać vynik matča «Šachcior» — «Biełšyna» (12.11.2022), prysudzić «techničnuju parazu» FK «Šachcior» i FK «Biełšyna».
- Taksama abvieščana dyscyplinarnaje pakarańnie ŭ vyhladzie abviaščeńnia ich asobami niepažadanymi (»persona non grata») dla met dziejnaści ABFF i štrafu ŭ pamiery 1000 bazavych vieličyń (37 000 biełaruskich rubloŭ) kožnamu.
Taksama dziasiatki hulcoŭ dyskvalifikavanyja.
Ažno na piać hadoŭ dyskvalifikavali treniera Anatola Jureviča — viadomaha biełaruskaha śpiecyjalista, niadaŭna pryznačanaha dziaržaŭnym trenieram pa futbole, to-bok hałoŭnym kurataram biełaruskaha futboła. Taksama koŭču pryznačyli štraf u pamiery 1000 bazavych vieličyń (37 tysiač rubloŭ). Dyrektar «Šachciora» Alaksandr Marčanka dyskvalifikavany na 4 hady i musić zapłacić štraf u 500 bazavych (18500 rubloŭ),
Nie jasna, što z čempijonstvam krainy za 2022 hoda. U BATE i minskaha «Dynama» była adnolkavaja kolkaść bałaŭ, u takim vypadku pavinien być «załaty matč». Ź inšaha boku, jak paviedamlaje resurs football.by, čempijanat-2022 moža tak i zastacca biez załatoha i srebranaha pryzioraŭ, bo «Šachcior» i «RCAR-BDU» pazbaŭlenyja hetych tytułaŭ.
Chto pradstavić Biełaruś u jeŭrakubkach-2023? Jak pradkazvaje football.by, u kvalifikacyi Lihi Čempijonaŭ vystupić barysaŭski BATE, u anałahičnych raŭndach Lihi Kanfierencyj — minskaje «Dynama» i «Isłač.