U rasijskaj Irkuckaj vobłaści demantavali manumienty ŭ pamiać pra represavanych palakaŭ i litoŭcaŭ
Polski pomnik i litoŭski kryž u pamiać pra represavanych u 1937 hodzie demantavanyja ŭ irkuckim siale Pivavarycha na miescy masavych pachavańniaŭ pieryjadu stalinskaha teroru, paviedamiła miascovamu vydańniu «Tajha» jurystka i pravaabaronca, aŭtarka daśledavańnia «Vialiki teror» Aksana Trufanava.
12.05.2023 / 21:48
Fota: t.me/Tayganews
U svoj čas hetyja manumienty byli pastaŭlenyja na hrošy zvyčajnych žycharoŭ, a ciapier jany «nibyta pieraškodzili niejkamu prachodu čynoŭnikaŭ», adznačyła Trufanava. Jakija mienavita čynoŭniki pryniali rašeńnie, pakul nieviadoma.
Fota: t.me/Tayganews
U 1930-ja hady pobač ź Pivavarychaj znachodziłasia śpieczona NKVD, dzie rasstrelvali palitviaźniaŭ. Daśledčyki aceńvajuć kolkaść zabitych tut u 15—17 tysiač čałaviek.
Masavyja pachavańni znajšli tolki vosieńniu 1989 hoda pry sadziejničańni KDB, prakuratury i miascovych navukoŭcaŭ. Na hetym miescy adkryli miemaryjalny kompleks pamiaci achviar palityčnych represij «Pivavarycha».
Čytajcie taksama:
«U Biełarusi dla palakaŭ ciapier najhoršaje stanovišča ŭ śviecie» — Kancylaryja prezidenta Polščy
Prapała pamiatnaja tablička z polskich vajskovych mohiłak u Varzianach na Astravieččynie