Rytoryka Zialenskaha adnosna Biełarusi źmianiłasia: «Niahledziačy na prapahandu, biełarusy zmahajucca. 70% biełarusaŭ suprać Rasii»
Prezident Ukrainy Uładzimir Zialenski, vystupajučy ŭ efiry italjanskaha telekanała Rai 1 u prahramie «Porta a Porta», zajaviŭ, što nie ličyć Biełaruś častkaj Rasii i što «biełarusy praciahvajuć zmahacca za svabodu».
13.05.2023 / 23:53
Fota: AP
Uładzimir Zialenski padčas svajho vizitu ŭ Itałiju vykazaŭsia pra svajo staŭleńnie da Biełarusi i ŭsiaho taho, što tam adbyvajecca.
U efiry italjanskaha telekanała Rai 1 13 maja Zialenski paviedamiŭ, što «Biełaruś — heta nie Rasija» i što biełaruski narod praciahvaje baraćbu za svaju svabodu i kaštoŭnaści.
«Ja nie liču, što Biełaruś — heta Rasija, choć Rasija i robić usio mahčymaje, kab zrabić Biełaruś svajoj častkaj i kiravać jaje ŭzbrojenymi siłami. Ale bolš za 70% biełarusaŭ vystupajuć suprać Rasii i jaje vajny suprać nas. U Biełarusi taksama idzie svojeasablivaja vajna i biełaruski narod, niahledziačy na prapahandu i vyprabavańni, praciahvaje zmahacca. Biełarusy ŭsio jašče bjucca za svaju svabodu i kaštoŭnaści», — zajaviŭ Zialenski.
Pavodle jaho słoŭ, biełarusy choć i nie panieśli vajennych strat, ale taksama hublajuć ludziej i vydatna razumiejuć, što paśla Ukrainy jany mohuć stać nastupnaj vajennaj achviaraj Rasii.
Zialenski ŭpeŭnieny, što biełaruskaje hramadstva abaronić svaju svabodu vybaru i niezaležnaść.
Čytajcie taksama:
Zialenski sustreŭsia z Papam Franciškam i zrabiŭ jamu niezvyčajnyja padarunki
Bajden: Biełarusy praciahvajuć zmahacca za svaju demakratyju