U Mahilovie čałaviek zahinuŭ pry ahladzie deltapłana
Uviečary 11 maja pastupiła paviedamleńnie, što ŭ ahraharadku Viejna ŭ Mahiloŭskim rajonie ŭ haražy, jaki budujecca, znajšli cieła mužčyny biez prykmiet žyćcia. Pobač ź ciełam znachodziŭsia latalny aparat-deltapłan, paviedamlaje Śledčy kamitet.
15.05.2023 / 16:02
Fota: Śledčy kamitet
Pavodle papiarednich źviestak, mužčyna niekalki hadoŭ tamu nabyŭ deltapłan i ŭžo nieadnarazova padymaŭsia na im u pavietra. Ale z časam jon vyrašyŭ jaho ŭdaskanalić, dla hetaha nabyvaŭ zapčastki i dapracoŭvaŭ latalnuju techniku.
«Z prychodam ciapła 29-hadovy vynachodnik staŭ rychtavać deltapłan da ekspłuatacyi. U hety nieščaślivy dzień čacviarha, znachodziačysia ŭ haražy i praviarajučy pracoŭny stan techniki, jon paciahnuŭ za ryčah i zapuściŭ ruchavik. Łopaści, jakija znachodzilisia ŭ składzienym haryzantalnym stanie, pačali krucicca i pryčynili mužčynu cialesnyja paškodžańni, nie sumiaščalnyja z žyćciom», — raskazali ŭ SK.
Čytajcie taksama:
U Viciebsku mužčyna pradavaŭ pulsaksimietry bieź siertyfikataŭ. Jamu pradjaŭlenaje abvinavačvańnie
U Puchavickim rajonie na pažary zahinuli dvoje mužčyn
Kiroŭca BMW nie spraviŭsia z kiravańniem i ŭjechaŭ u hruzavik. Aŭto ŭśmiatku