Biełaruskaha treniera pryznali najlepšym u čempijanacie Kipra
Heta Alaksiej Špileŭski, jaki ŭznačalvaje limasolski «Arys», jaki naležyć biełarusu.
19.05.2023 / 11:39
Alaksieja Špileŭskaha pryznali najlepšym pa vynikach hałasavańnia futbalistaŭ lihi, pišacca na aficyjnaj staroncy kłuba.
Alaksiej — syn viadomaha futbolnaha ahienta Mikałaja Špileŭskaha. Naradziŭsia ŭ Minsku ŭ 1988 hodzie, razam z baćkami emihravaŭ u Niamieččynu. Hulaŭ za moładzievuju kamandu «Štutharta». U 2006-m traŭmavaŭ śpinu i skončyŭ karjeru hulca. U 2011 hodzie atrymaŭ trenierskuju licenziju. Treniravaŭ spačatku dziciačyja i junackija kamandy.
U kancy červienia 2018 hoda ŭznačaliŭ trenierski štab «Dynama Brest», ale ŭ žniŭni z-za kanfliktu i nieparazumieńnia z kiraŭnictvam pakinuŭ kłub. U listapadzie 2018 hoda staŭ hałoŭnym trenieram kazachstanskaha «Kajrata», ź jakim u 2020 hodzie vyjhraŭ załatyja miedali.
U červieni 2021 hoda Špileŭski viarnuŭsia ŭ Niamieččynu, kab uznačalić kłub druhoha dyvizijona «Erchiebirhie», adnak praź niekalki turaŭ byŭ zvolnieny z-za kiepskich vynikaŭ. U lutym 2022 hoda ŭznačaliŭ limasolski «Arys», jakim vałodaje biełarus Uładzimir Fiodaraŭ. U minułym siezonie kłub finišavaŭ čacviortym. A sioleta kłub idzie na pieršym miescy ŭ čempijanacie.
Čytajcie taksama:
Asablivy. Žaze Maŭryńju dvojčy za dva siezony vyvieŭ «Romu» ŭ jeŭrakubkavy finał
«Mančester Sici» razhramiŭ «Reał» i vyjšaŭ u finał Lihi čempijonaŭ
FIFA pradstaviła łahatyp čempijanatu śvietu pa futbole 2026 hoda. I jon vielmi dziŭny