Biełarus pajeŭ chatnich marynavanych ahurkoŭ z pamidorami i ledź nie pamior
Jaho vyratavali tolki dziakujučy ekstrannaj miedycynskaj dapamozie. Ale pravioŭ mužčyna ŭ balnicy 12 sutak.
24.05.2023 / 15:46
Žychar Baranavičaŭ atruciŭsia, pajeŭšy chatnich kansiervaŭ — marynavanych ahurkoŭ i pamidoraŭ. U jaho vyjavili batulizm. Vyratavali jaho tolki dziakujučy svoječasovaj miedycynskaj dapamozie. A vypisali jaho z balnicy tolki na 12 sutki, piša Blizko.by.
Hihijenisty nahadvajuć, što batulizm — heta śmiarotna niebiaśpiečnaje charčovaje atručeńnie, jakoje ŭźnikaje z-za ŭžyvańnia praduktaŭ, zaražanych pałačkami batulizmu. U zakatanych kansiervach jany vypracoŭvajuć taksin Clostridium botulinum — pa sutnaści, jad, jaki pieraŭzychodzić usie inšyja bakteryjalnyja taksiny i navat chimičnyja jady i vyklikaje ciažkaje paražeńnie centralnaj niervovaj sistemy.
Clostridium botulinum ustojlivy da vysokich kancentracyj soli (da 18%), nie źniščajecca ŭ praduktach, jakija źmiaščajuć śpiecyi. Adzinaje, što moža jaho zabić, — kipiačeńnie na praciahu 20—30 chvilin.
Truciacca ludzi čaściej za ŭsio chatnimi kansiervami, naprykład, marynavanaj harodninaj abo hrybami. Taksama možna atrymać atručeńnie vialenymi praduktami i rybaj.
Čytajcie taksama:
Na pažary ŭ Pinskim rajonie zahinuła maci z dvuma małymi dzietkami
Nie razhubiŭsia i staŭ dahaniać. U Minsku čałaviek dapamoh zatrymać złačyncu