На «Нафтане» затрымалі чатырох чалавек
Афіцыйны прафсаюз папярэджвае, каб людзі пачысцілі інфармацыю ў сацсетках.
25.05.2023 / 11:46
Фота ілюстрацыйнае
Затрымалі Віктара Кавалеўскага, Вадзіма Уласава, Валерыя Леснікова і Юрыя Гайчанку.
Прафсаюз прадпрыемства грозна папярэджвае аб неабачлівасці ў сацсетках.
«Па добраму, на жаль, некаторыя людзі не разумеюць, таму што, па іншаму растлумачыць факт парушэнняў завадчанам мы не можам. Не прайшло і тыдня, як мы прасілі вас праверыць вашыя сацыяльныя сеткі. Кіраўнікі праводзілі гутаркі ва ўсіх структурных падраздзяленнях, з большасцю размаўлялі нават асабіста, і каб ужо напэўна кожны работнік пачуў і быў у курсе адказнасці, былі раздадзеныя ўлёткі з усёй інфармацыяй. І што вы думаеце? Усё роўна, засталіся тыя, каму няма справы, ні да сябе, ні да завода, ні да сваёй сям'і — яны ўпарта хочуць каму тое, што тое, даказаць», — адзначае прафсаюз і просіць яшчэ раз праверыць сацсеткі, лайкі, каментары, фота.
Чытайце таксама:
Сілавікі затрымалі мужа з жонкай і цесцем — вінавацяць ва ўдзеле ў пратэстах