U Japonii jutubiera aryštavali za spojler da videahulni. Takoje adbyłosia ŭpieršyniu ŭ historyi
Pry hetym sama hulnia vyjšła šmat hadoŭ tamu.
27.05.2023 / 10:42
Žychara Japonii aryštavali za łetspłei sa spojlerami kancoŭki da videahulni, jakaja pieršapačatkova była vypuščana bolš za 10 hadoŭ tamu. Pra heta 21 maja napisała vydańnie Japan Today.
52-hadovy Sinobu Josida staŭ pieršym čałaviekam, kaho japonskija ŭłady aryštavali za niezakonnuju publikacyju hulniavych videarolikaŭ na YouTube. Mužčyna zahruziŭ hiejmpłej vizualnaj anime-naveły «Steins;Gate: My Darling's Embrace» (jakaja vyjšła jašče ŭ 2011 na kansoli Xbox, a zatym u 2019 jaje pieravypuścili na inšyja płatformy) i pakazaŭ kaniec hetaj hulni. Sami videaroliki pry hetym byli manietyzavanyja, što davała japoncu hrošy za prahlady.
Kampanija-raspracoŭnica hulni adrazu paličyła, što takim čynam parušajucca jaje aŭtarskija pravy, bo jana nie davała dazvoł na publikacyju jaje kantentu, a hrošy ad dachodu ź videa nie pajšli joj u prybytak.
U vyniku japonca abvinavacili ŭ parušeńni aŭtarskich pravoŭ i raspaŭsiudžańni spojleraŭ. Toj svaju vinu pryznaŭ.
«Ja viedaŭ, što heta niezakonna, navat kali ja heta rabiŭ», — skazaŭ Josida padčas pryznańnia viny.
Hety vypadak — pieršy ŭ historyi. Raniej padobnaje nikoli nie było zaŭvažana. Napeŭna, hety mužčyna nie stanie apošnim.
Nahadajem, što dla Japonii najaŭnaść aryštaŭ za dziŭnyja na pieršy pohlad pryčyny nie jość čymści unikalnym. Naprykład, jašče ŭ minułym miesiacy dvuch mužčyn tam aryštavali za «sušy-teraryzm».
Čytajcie taksama:
Mortal Kombat 1 pierazapuścić lehiendarnuju sieryju videahulniaŭ u vieraśni
LoL, DOTA 2, Counter Strike: što budzie z kibiersportam u 2023 hodzie? Voś tendencyi