Minčuka aryštavali napiaredadni surjoznaj apieracyi. Svajaki nie viedajuć, dzie jon znachodzicca
Ranicaj 17 maja ŭ Minsku zatrymali 31-hadovaha taksista Artura Baško.
26.05.2023 / 07:47
Čacviora siłavikoŭ stajali ŭ padjeździe, kali dadomu viartałasia jahonaja maci. Kali jana adčyniła dźviery, jany ŭvarvalisia ŭ kvateru. Sam Artur u hety čas jašče spaŭ. Supracoŭniki praviali pieratrus, niešta vynieśli ŭ pakiecie, a pa padłozie byli raskidanyja papiery, piša «Viasna».
Paśla zatrymańnia adzin ź siłavikaŭ skazaŭ maci, što Artura zabrali za «palityku».
Viadoma, što Artur maje prablemy sa zdaroŭjem — jamu pavinny byli rabić apieracyju pa vydaleńni ščytavidki. Paśla zatrymańnia Artur patelefanavaŭ rodnym i paprasiŭ pieradać jamu nieabchodnyja leki. Na Akreścina miedykamient pryniali. Paźniej nad im adbyŭsia sud, ale svajaki nie viedajuć pavodle jakoha artykuła. Mahčyma, Artura asudzili da 13 sutak aryštu.
Ciapier rodnyja Baško nie viedajuć dzie jon — pa telefonie na Akreścina abo nie adkazvajuć, abo kažuć, što takoha niama.
Čytajcie taksama:
U Połacku zatrymali ŭnijackaha śviatara i 77-hadovuju žančynu
73-hadovuju kandydatku techničnych navuk aryštavali na 10 sutak
Zatrymali traich supracoŭnikaŭ Połackaha dziaržaŭnaha ŭniviersiteta