Lehijon «Svaboda Rasii» pakazaŭ VIDEA pra svoj rejd na Biełharodčynu
Lehijon «Svaboda Rasii» apublikavaŭ videa, jakoje, jak śćviardžajecca, było źniataje 22 maja padčas sumiesnaha z «Ruskim dobraachvotnickim korpusam» rejdu ŭ Biełharodskuju vobłaść
26.05.2023 / 17:01
Kamandzir Lehijona zajaviŭ, što bajcam padraździaleńnia ŭdałosia ŭziać u pałon niekalki supracoŭnikaŭ FSB.
Paviedamlajecca, što padčas dyviersii ŭ Biełharodskaj vobłaści padraździaleńni rasijskich dobraachvotnikaŭ stracili dvuch čałaviek zabitymi i 10 paranienymi.
Na videa bačna, jak vajskoŭcy (jak śćviardžajecca, padraździaleńni rasijskaj armii) chavajucca ŭ žyłym domie, pa jakim nanosicca ŭdar.
22 maja «Lehijon «Svaboda Rasii» i «Ruski dobraachvotnicki korpus» zajavili pra toje, što jany ŭvajšli ŭ Biełharodskuju vobłaść i «vyzvalili» niekalki nasielenych punktaŭ.
Rasijskija ŭłady zajavili, što ŭ vobłaść pranikła ŭkrainskaja DRH. Paviedamlałasia pra niekalkich paranienych mirnych žycharoŭ. Źjaŭlałasia taksama infarmacyja ab udarach pa budynkach MUS i FSB u Biełharadzie.
Hazieta «Kamiersant» sa spasyłkaj na MUS napisała, što pad abstreł siarod inšaha patrapiła i vajskovaja čaść. Pry hetym nibyta zahinuli dvoje vajskoŭcaŭ, jašče čacviora paranienyja. Heta, jak śćviardžajecca, zdaryłasia ŭ vajskovym haradku Biełharad-22, što znachodzicca ŭ Hrajvaranskim rajonie vobłaści. Pa čaści byli z boku Ukrainy vypuščanyja try snarady reaktyŭnaj sistemaj załpavaha ahniu «Urahan».
Čytajcie taksama:
U hučnaj apieracyi na terytoryi Rasii, mahčyma, udzielničaŭ biełaruski dobraachvotnik «Janki»