U Minsku ŭpieršyniu nabili tatu, jakoje prydumała niejrasietka
Sieans padoŭžyŭsia doŭhija dziesiać hadzin.
27.05.2023 / 08:40
Fota Paŭła Rusaka, tochka.by
U Minsku ŭpieršyniu zrabili tatu, jakoje zhienieravała niejrasietka. Ale nabivaŭ malunak usio roŭna čałaviek-majstar tatu-sałona «U lisicy». Tochka.by pahladzieła, jak heta było.
Pavieł daŭno hareŭ vialikim tatu na nazie. Zvyčajna idei dla malunka čerpajuć z eskizaŭ — u sietcy abo ŭ majstra. Pavieł pastupiŭ niestandartna — davieryŭsia niejrasietcy ŭ padbory budučaj tatuiroŭki.
Niejrasietka vydała kata ŭ vobrazie hałoŭnaha antahanista «Zornych vojnaŭ « — Darta Viejdiera. Malunak zhienieravała prahrama Midjourney. Heta samy prasunuty štučny intelekt, jaki stvaraje vyjavy pa tekstavych apisańniach.
Fota Paŭła Rusaka, tochka.by
«Lublu katoŭ i «Zornyja vojny». Zabiŭ u prahramu dakładny dasłoŭny zapyt — kot u stylistycy «Zornych vojnaŭ» trymaje ŭ łapie čyrvony śvietłavy mieč, apranuty ŭ čorny płašč», — uspaminaje Pavieł.
Niejra-tatu — niemaleńkaja, pamieram 20 na 10 sm. Nabivali malunak dziesiać hadzin. Kali tatu zažyvie, treba budzie karekcyja — nasycić koleram.
Fota Paŭła Rusaka, tochka.by
U malunku šmat paŭtonaŭ, cieniaŭ i hradyjentaŭ.
«Paśla takich prajektaŭ stamlaješsia, ale honar biare za kančatkovy vynik», — uśmichajecca tatu-majstar Uładzimir.
Fota Paŭła Rusaka, tochka.by
Kot zadumany nie adzin. Na druhoj nazie Pavieł nabje kata-džedaja. Pajadynak dabra sa złom. Dypcich, jaki my zasłužyli.
Čytajcie taksama:
Štučny intelekt navučyŭsia movie darknetu i ciapier moža raspaznavać kibierpahrozy
Skłali dla vas vialiki TOP karysnych niejrasietak na ŭsie vypadki žyćcia