Pierad Dniom Kijeva horad pieražyŭ masiravanuju ataku dronami
Kiraŭnik Kijeŭskaj haradskoj vajskovaj administracyi Siarhiej Papkoŭ paviedamiŭ, što ataka dronaŭ na horad u noč na 28 maja stała samaj masiravanaj z pačatku rasijskaha ŭvarvańnia.
28.05.2023 / 07:26
Nastupstvy padzieńnia abłomkaŭ drona ŭ Piačerskim rajonie Kijeva. Fota: t.me/VA_Kyiv
«14-ja pavietranaja ataka na stalicu z pačatku maja! Siońnia vorah vyrašyŭ pavinšavać kijaŭlan z Dniom Kijeva z dapamohaj svaich śmiarotnych BPŁA. Papiarednie, heta była samaja masiravanaja z pačatku poŭnamaštabnaha ŭvarvańnia ataka dronami na stalicu, a mienavita — baražyrujučymi bojeprypasami Shahed», — havorycca ŭ zajavie Papko.
Nastupstvy padzieńnia abłomkaŭ drona ŭ Piačerskim rajonie Kijeva. Fota: t.me/VA_Kyiv
Napad adbyvaŭsia niekalkimi chvalami, a pavietranaja tryvoha praciahvałasia bolš za piać hadzin.
Nastupstvy padzieńnia abłomkaŭ drona ŭ Piačerskim rajonie Kijeva. Fota: t.me/VA_Kyiv
Pavodle papiarednich źviestak administracyi, siły ŭskrainskaj SPA źbili bolš za 40 bieśpiłotnikaŭ. U vyniku padzieńnia abłomkaŭ jość achviary i razbureńni. Tak, u Hałasiejeŭskim rajonie zahinuŭ adzin čałaviek, tam abłomki patrapili ŭ siamipaviarchovy niežyły budynak.
Takaja maštabnaja ataka była prymierkavanaja da Dnia Kijeva, jaki ŭkrainskaja stalica tradycyjna adznačaje ŭ apošniuju niadzielu maja.
Čytajcie taksama:
Udar pa Dniapry: zavały dahetul raźbirajuć, los jašče traich čałaviek nieviadomy
Unačy pa Ukrainie znoŭ byŭ naniesieny ŭdar «Šachiedami» i rakietami