Знакаміты венецыянскі Гранд-канал цалкам афарбаваўся ў ярка-зялёны. Паліцыя праводзіць расследаванне
Магчыма, за гэта могуць быць адказныя кліматычныя актывісты.
29.05.2023 / 18:10
Афарбаваная вада ў венецыянскім Гранд-канале. Фота: твітар прэзідэнта Венецыі Лукі Зайі, @zaiapresidente
Вада ў венецыянскім Гранд-канале раптам афарбавалася ў ярка-зялёны колер. Пра гэта 28 мая паведамілі афіцыйныя ўлады горада.
Жыхары Венецыі сутыкнуліся з незвычайнай з’явай: у Гранд-канале каля маста Рыальта вада стала ярка-зялёнай. За расследаванне прычыны гэтай з'явы ўзялася паліцыя горада.
Варыянтаў шмат: ад выпадковага выпуску фарбавальніка ў воду да рэгулярных пратэстаў экаактывістаў, якія ўжо добра вядомыя сваімі акцыямі па псаванні аб'ектаў культурнай спадчыны.
«Гэтай раніцай у Гранд-канале, па паведамленнях мясцовых жыхароў, з'явілася пляма ад зялёнага фарбавальніка. Паліцыя ўжо расследуе паходжанне гэтай вадкасці», — напісаў у сваім твітары прэзідэнт Венецыі і рэгіёна Лука Зайа.
Унізе можна ўбачыць відэа ад супрацоўнікаў мясцовай пажарнай станцыі, якія 28 мая праплывалі ў Гранд-канале.
Цікава, што гэта ўжо не першы раз, калі вада ў Гранд-канале афарбоўваецца ў зялёны колер. У 1968 годзе аргенцінскі мастак Нікалас Гарсія Урыбура пафарбаваў ваду ў зялёны для павышэння экалагічнай дасведчанасці.
Чытайце яшчэ:
У Венецыі шукаюць «ідыёта», які скочыў з трохпавярховіка проста ў канал
Індыйскі чыноўнік асушыў вадасховішча, каб знайсці свой мабільны тэлефон