Znakamity vieniecyjanski Hrand-kanał całkam afarbavaŭsia ŭ jarka-zialony. Palicyja pravodzić rasśledavańnie
Mahčyma, za heta mohuć być adkaznyja klimatyčnyja aktyvisty.
29.05.2023 / 18:10
Afarbavanaja vada ŭ vieniecyjanskim Hrand-kanale. Fota: tvitar prezidenta Vieniecyi Łuki Zaji, @zaiapresidente
Vada ŭ vieniecyjanskim Hrand-kanale raptam afarbavałasia ŭ jarka-zialony koler. Pra heta 28 maja paviedamili aficyjnyja ŭłady horada.
Žychary Vieniecyi sutyknulisia ź niezvyčajnaj źjavaj: u Hrand-kanale kala masta Ryalta vada stała jarka-zialonaj. Za rasśledavańnie pryčyny hetaj źjavy ŭziałasia palicyja horada.
Varyjantaŭ šmat: ad vypadkovaha vypusku farbavalnika ŭ vodu da rehularnych pratestaŭ ekaaktyvistaŭ, jakija ŭžo dobra viadomyja svaimi akcyjami pa psavańni abjektaŭ kulturnaj spadčyny.
«Hetaj ranicaj u Hrand-kanale, pa paviedamleńniach miascovych žycharoŭ, źjaviłasia plama ad zialonaha farbavalnika. Palicyja ŭžo rasśleduje pachodžańnie hetaj vadkaści», — napisaŭ u svaim tvitary prezident Vieniecyi i rehijona Łuka Zaja.
Unizie možna ŭbačyć videa ad supracoŭnikaŭ miascovaj pažarnaj stancyi, jakija 28 maja prapłyvali ŭ Hrand-kanale.
Cikava, što heta ŭžo nie pieršy raz, kali vada ŭ Hrand-kanale afarboŭvajecca ŭ zialony koler. U 1968 hodzie arhiencinski mastak Nikałas Harsija Urybura pafarbavaŭ vadu ŭ zialony dla pavyšeńnia ekałahičnaj daśviedčanaści.
Čytajcie jašče:
U Vieniecyi šukajuć «idyjota», jaki skočyŭ z trochpaviarchovika prosta ŭ kanał
Indyjski čynoŭnik asušyŭ vadaschovišča, kab znajści svoj mabilny telefon
U Cichim akijanie vyjavili 5 tysiač raniej nieviadomych istot