Hety aŭtamabil ciapier samy pradavany ŭ śviecie
«Było pradadziena 267 200 ekzemplaraŭ tolki za pieršy kvartał hetaha hoda».
29.05.2023 / 18:23
Aŭtamabil Tesla Model Y. Fota: Wikimedia Commons
Viadomaje vydańnie pra aŭtamabili Motor1 pry dapamozie kampanii JATO Dynamics, hłabalnaha pastaŭščyka aŭtamabilnaj biznes-analityki, vyznačyła samuju pradavanuju aŭtamadel u śviecie na dadzieny momant. Pra heta Motor1 paviedamiła 25 maja.
Pavodle infarmacyi vydańnia, hłabalny śpis najlepšych prodažaŭ uznačaliŭ aŭtamabil Tesla Model Y, jaki tolki za pieršy kvartał 2023 hoda byŭ pradadzieny ŭ kolkaści 267 200 ekzemplaraŭ pa ŭsim śviecie. Heta amal na 70% vyšej za pakazčyki za toj ža pieryjad minułaha hoda.
Elektryčny pazadarožnik Tesla Model Y staŭ samym pradavanym u Jeŭropie, a taksama dobra zarekamiendavaŭ siabie na rynkach ZŠA i Kitaja, u jakim toj daminavaŭ dziakujučy ahulnamu źnižeńniu cen na ŭsiu aŭtaliniejku Tesla. Sam pazadarožnik na sajcie kampanii zaraz kaštuje amal 47,5 tysiač dołaraŭ u bazavaj kamplektacyi.
«Heta važnaja navina dla ŭsioj aŭtamabilnaj pramysłovaści, bo ŭpieršyniu na viaršyni suśvietnych rejtynhaŭ prodažaŭ akazvajecca ekałahična čysty elektramabil. Padobna, što ŭ kampanii Tesla ŭsio idzie vydatna, bo pazadarožnik Tesla Model Y na dadzieny momant źjaŭlajecca biasprojhryšnym varyjantam va ŭsich sensach», — piša vydańnie Motor1.
Sam ža suśvietny Top-5 pa prodažach aŭto, pa infarmacyi Motor1 i kampanii JATO Dynamics, zaraz vyhladaje tak.
- Tesla Model Y — 267 200 štuk.
- Toyota Corolla/Levin/Allion/Lingshang — 256 400 štuk.
- Toyota Hilux — 214 700 štuk.
- Toyota RAV4/Wildlander — 211 000 štuk.
- Toyota Camry — 166 200 štuk.
Usie źviestki dla artykuła Motor1 byli sabranyja z aŭtamabilnych rynkaŭ 84 krain śvietu.
Čytajcie jašče:
Ad elektrakaraŭ da mikraaŭtobusaŭ. Jakija «ajčynnyja» aŭtamabili ŭžo vypuskali ŭ Biełarusi