Pradprymalnika asudzili na 6 hadoŭ za pieramiaščeńnie z Rasii ŭ Biełaruś zbroi
Prakuratura Centralnaha rajona Minska paviedamiła pra sud u dačynieńni da 57-hadovaha indyvidualnaha pradprymalnika, jakomu inkryminavana «niezakonnaje pieramiaščeńnie praź dziaržaŭnuju miažu Respubliki Biełaruś inšych vidaŭ uzbrajeńnia».
29.05.2023 / 21:07
Na miažy z Rasijaj. Fota ilustracyjnaje
Pavodle abvinavačańnia, u žniŭni 2022 hoda pradprymalnik Je. na aŭtamabili Toyota Land Cruiser pieramiaściŭ z Rasii ŭ Biełaruś «pradmiety ŭzbrajeńnia».
Abvinavačany, pavodle prakuratury, pryznaŭ svaju vinu ŭ poŭnym abjomie. Raniej na praciahu doŭhaha času jon prachodziŭ słužbu ŭ vojsku, u suviazi z čym vałodaŭ viedami ŭ śfiery ŭzbrajeńnia.
Na padstavie č. 1 art. 333-1 Kryminalnaha kodeksa Respubliki Biełaruś abvinavačanamu pryznačana pakarańnie ŭ vyhladzie pazbaŭleńnia voli na termin 6 hadoŭ sa štrafam u pamiery 400 bazavych vieličyń (14,8 tys. rubloŭ).
Čytajcie taksama:
Polski hienierał adkazaŭ Łukašenku i nazvaŭ pieradumovy vyzvaleńnia Biełarusi
Jak acenka siłaŭ biełaruskich dobraachvotnikaŭ upłyvaje na palityku Łukašenki