Čarhovaja načnaja ataka na Kijeŭ. Pavietranaja tryvoha doŭžyłasia amal try hadziny
U adroźnieńnie ad papiarednich napadaŭ, kali Rasija vykarystoŭvała roznyja vidy ŭzbrajeńniaŭ, u noč na 30 maja ataka była ažyćcioŭlena vyklučna bojeprypasami «Šachied».
30.05.2023 / 07:17
Napad byŭ masiravanym, ažyćciaŭlaŭsia pa roznych napramkach, u niekalki chvalaŭ. Pavietranaja tryvoha doŭžyłasia amal try hadziny, piša Bi-bi-si.
Pavodle papiarednich źviestak, srodkami SPA ŭ pavietranaj prastory Kijeva było źniščana bolš za 20 bieśpiłotnikaŭ.
U vyniku padzieńnia abłomkaŭ jość achviary i razbureńni ŭ roznych rajonach Kijeva.
U Hałasiejeŭskim z-za padzieńnia abłomkaŭ na šmatpaviarchovy žyły dom było ŭzharańnie na apošnich dvuch pavierchach. Evakujavana bolš za 20 žycharoŭ. Pavodle papiaredniaj infarmacyi, adzin čałaviek zahinuŭ, troje atrymali traŭmy. Vierahodna, razburanyja pierakryćci pamiž pavierchami, praciahvajecca pošuk ludziej pad mahčymymi zavałami.
U Piačerskim rajonie abłomkami paškodziła aŭtamabili.
U Darnickim rajonie ŭ vyniku padzieńnia abłomkaŭ zahareŭsia pryvatny dom. Taksama paškodžanyja pryparkavanyja aŭtamabili.
U Dniaproŭskim rajonie abłomki ŭpali na zialonuju zonu.
U Padolskim — na niežyłuju zabudovu.
U Śviatošynskim rajonie abłomki ŭpali na terytoryju adnaho z pradpryjemstvaŭ.