Biełarusy 133 hady zachoŭvali vyšyvanku, a paśla padaryli jaje šoŭmienu Andreju Małachavu
U telešou Andreja Małachava «Pieśni ad usioj dušy», čarhovy vypusk jakoha vyjšaŭ u efir 28 maja, vystupili biełarusy. Prytym žychary Śvietłahorskaha rajona Siarhiej Viežnaviec i Kaciaryna Šejerman pryjechali ŭ Rasiju nie z pustymi rukami, a sa ščodrymi padarunkami.
31.05.2023 / 21:44
Siarhiej i Kaciaryna vystupili na šou ź pieśniaj «Varany» i kampazicyjaj «Biełaruskich pieśniaroŭ», a Małachavu pryvieźli chatnija jabłyki i samarobnuju lalku.
«Heta pamočnica na kuchni dla haspadyni, jana šaścirukaja. Pavodle biełaruskich zvyčajaŭ visić na kuchni, dapamahaje haspadyni, kab taja ŭsio paśpiavała. Tamu ŭ jaje i šeść ruk. Rabiła jaje maja dačka», — raskazała pra lalku Kaciaryna Šejerman.
I choć hety padarunak taksama byŭ darahi, druhi byŭ jašče bolš šykoŭny. U šou pakazali siužet pra maci Siarhieja Viežnaŭca ź vioski Viažny Śvietłahorskaha rajona. A jana pieradała Małachavu vyšyvanku dy, pavodle jaje słoŭ, nie prostuju, a sapraŭdny rarytet.
«Andruša, ja vielmi lublu tvaje pieradačy, nikoli nie prapuskaju. Dziakuj za ich! Na pamiać — kašula, jakoj 100 ź lišnim hadoŭ».
Siarhiej Viežnaviec raskazaŭ, što kašula nibyta pieradavałasia ŭ siamji z pakaleńnia ŭ pakaleńnie ažno z 1890 hoda. Ciapier ža siamiejnaja relikvija pajechała ŭ Maskvu.
Skrynšot videa
Čytajcie taksama:
«Maci pieradaje mnie zakatki». Biełarusy ŭ emihracyi dzielacca, jakija padarunki paprasili z radzimy