Z muzieja Ivana Łuckieviča ŭ Vilni skrali achviaravańni z Nočy muziejaŭ. Złodziejaŭ znajšli, ale muzieju treba dapamoha
Zvarot z prośbaj dapamahčy źjaviŭsia na staroncy muzieja ŭ instahramie, dzie i apisanaja historyja, što adbyłasia na Nočy muziejaŭ.
05.06.2023 / 00:26
Muziej Ivana Łuckieviča ŭ Vilni
«Uvieś dzień my źbirali achviaravańni — i naprykancy dnia ŭ nas skrali skrynku z hetymi achviaravańniami. Dziakujučy kamieram my dobra bačyli, chto heta zrabiŭ. I viedajecie što? My ich złavili! Sami!Ubačyli na vulicy, dahnali, vyklikali palicyju. To-bok vinavatyja złoŭlenyja. Ale ciapier nam vielmi patrebnaja vašaja dapamoha.
Nam treba skazać litoŭskaj palicyi dakładnuju sumu, jakaja była ŭ skryncy. Da taho prosim tych, chto achviaravaŭ nam u toj dzień, źviazacca z nami. Kali vy achviaravali nam lubuju sumu na Nočy muziejaŭ, napišycie na adras hello@vilnia.com abo ŭ asabistyja paviedamleńni hetuju sumu i vaš numar telefonu», — hatovycca z zvarocie muzieja.
Pierajści na staronku muzieja ŭ instahramie, kab napisać u asabistyja, možna pa hetaj spasyłcy.
Čytajcie taksama:
Śviacki pałac — tvor italjanskaha majstra dla pruskaha hrafa sa staražytnaha biełaruskaha rodu
U Muziei volnaj Biełarusi prezientujuć instalacyju «1525» pra biełaruskich palitviaźniaŭ