Жонка і сын паўночнакарэйскага дыпламата зніклі ў Расіі. Імаверна, яны збеглі
Прадстаўнік генконсульства КНДР ва Уладзівастоку сам напісаў заяву пра знікненне сваіх родных, пішуць расійскія тэлеграм-каналы.
06.06.2023 / 16:26
Зніклыя жонка і сын паўночнакарэйскага дыпламата. Фота: ru2ch / Теlegram
Паводле яго, 4 чэрвеня яго 43-гадовая жонкаі 15-гадовы сын селі ў таксі на тэрыторыі генконсульства, і з тых часоў іх не бачылі. Мабільныя тэлефоны недаступныя.
Таксіста, які падвозіў жанчыну з сынам, высадзіў іх ля будынка на вуліцы Рускай. Цяпер зніклых шукаюць.
Будынак генконсульства маці і сын пакінулі з трыма скрынкамі — верагодна, туды яны склалі асабістыя рэчы.
Паліцыя мяркуе, што яны збіраюцца з'ехаць у Кітай ці Паўднёвую Карэю.
Чытайце таксама:
Масква прапануе Пхеньяну ежу ў абмен на зброю — ЗША