Anžalika Borys stanie hanarovaj hramadziankaj Poznani
Deputaty haradskoj rady pryniali rašeńnie pra prysvajeńnie joj hetaha zvańnia, paviedamlaje «Polskaje radyjo».
07.06.2023 / 13:44
Anžalika Borys. Fota: Sajuz palakaŭ Biełarusi
Anžalika Borys — staršynia niepryznanaha ŭładami Sajuza palakaŭ Biełarusi. Jaje zatrymali ŭ Hrodnie 23 sakavika 2021 hoda, paźniej stała viadoma, što jana stała fihurantkaj spravy pa č. 3 art. 130 KK ab dziejańniach, skiravanych na raspalvańnie varožaści, reabilitacyju nacyzmu.
25 sakavika 2022 hoda Borys źmianili mieru strymańnia i pieraviali jaje ź SIZA pad chatni aryšt. Viadoma, što jana nie pisała prašeńnia ab pamiłavańni i admoviłasia vyjazdžać u Polšču.
U pačatku krasavika 2023 hoda źjaviłasia infarmacyja, što Borys była vyzvalenaja z-pad chatniaha aryštu: joj uručyli dakumient ab spynieńni spravy «ŭ suviazi z adsutnaściu składu złačynstva». Taksama joj paabiacali viarnuć usie rečy, kanfiskavanyja padčas śledstva.