РФ адказная за разбурэнне Кахоўскай ГЭС — Белы дом
Разбурэнне Кахоўскай ГЭС было б немагчымым, калі б расійская армія не ўварвалася ва Украіну, а таму менавіта РФ адказная за тое, што здарылася, заявілі ў Вашынгтоне.
08.06.2023 / 07:06
Прэс-сакратар Белага дома Карын Жан-П'ер заявіла, што ЗША працягваюць ацэньваць прычыны разбурэння ГЭС. Па яе словах, гэтага б не адбылося, калі б РФ не напала на Украіну, а таму адказнасць за катастрофу ляжыць на Расіі, якая кантралявала станцыю, піша «Украінская праўда».
«Мы працягваем ацэньваць, што адбылося. Мы размаўляем з украінцамі. Разбурэнні і руйнаванніі, якія мы бачым, разбіваюць сэрца. Мы зробім усё магчымае, каб дапамагчы народу Украіны… Гэтая плаціна знаходзілася пад кантролем Расіі. І яна нясе адказнасць за разбурэнні, выкліканыя гэтай вайной».
У ноч на 6 чэрвеня расейцы ўзарвалі Кахоўскую гідраэлектрастанцыю, разбурыўшы машынную залу і плаціну, станцыю немагчыма аднавіць.
Падрыў Кахоўскай ГЭС выклікаў экалагічную катастрофу. Вада з вадасховішча пачала затапліваць гарады і вёскі, пачалася эвакуацыя. У выніку падрыву дамбы Кахоўскай ГЭС пачаліся праблемы з падачай вады ў Крывым Рогу, марганцы і Нікапалі.
Чытайце таксама:
Што неабходна ведаць пра Кахоўскую ГЭС і да чаго можа прывесці яе падрыў