Bieraściejec atrymaŭ hod kałonii za adno abraźlivaje słova na adras Łukašenki
Sud Maskoŭskaha rajona Bresta razhledzieŭ kryminalnuju spravu suprać 35-hadovaha Paŭła Jančuka, abvinavačanaha ŭ publičnaj abrazie Alaksandra Łukašenki (č. 1 art. 368 Kryminalnaha kodeksa).
08.06.2023 / 14:55
Spravu razhladała suddzia Ina Kłyšpač, abvinavačańnie padtrymlivaŭ pamočnik prakurora Anton Hlinski, pra heta piša «Viasna».
Pavieł Jančuk rodam z Kamianieckaha rajona, ale žyŭ u Breście. Da suda Paŭła źmiaścili pad vartu.
Pa viersii abvinavačvańnia, Pavieł Jančuk 17 krasavika 2022 hoda pad publikacyjaj u telehram-kanale «Realnaja Biełaruś» napisaŭ abraźlivy kamientar ad imia karystalnika Canna Steinfeldgrubber na adras Łukašenki.
Prysud — pazbaŭleńnie voli terminam na adzin hod u kałonii va ŭmovach ahulnaha režymu.