«Nie cierpicca paŭdzielničać». Sabalenka atrymała brytanskuju vizu i jedzie na Uimbłdon
«Ja jedu na Uimbłdon, i heta vydatnaja navina. Ja ŭ nieciarpieńni, mnie vielmi padabajecca tam hulać, padabajecca atmaśfiera», — skazała Sabalenka.
09.06.2023 / 09:19
Aryna Sabalenka. Fota: Rob Prange / Keystone Press Agency
Na pres-kanfierencyi ŭ Paryžy biełaruska paviedamiła žurnalistam, što narešcie zmahła atrymać brytanskuju vizu dla ŭdziełu ŭ spabornictvach.
«Ja jedu na Uimbłdon, i heta vydatnaja navina. Ja ŭ nieciarpieńni, mnie vielmi padabajecca tam hulać, padabajecca atmaśfiera», — skazała Sabalenka.
Tenisistka taksama raspaviała, što letaś joj vielmi nie chapała Uimbłdona, tamu joj nie cierpicca tudy viarnucca i «pakazać svoj najlepšy tenis».
U minułym hodzie biełaruskija i rasijskija spartoŭcy byli adchilenyja ad Uimbłdonskaha turniru.
Učora Sabalenka prajhrała ŭ paŭfinale «Rałan Haros», choć viała ŭ trecim secie 2:5.