Заўтра па вуліцах Мінска пройдзе працэсія Божага Цела
У нядзелю 11 чэрвеня, наступную пасля ўрачыстасці Найсвяцейшага Цела і Крыві Хрыста, якая сёлета адзначалася 8 чэрвеня, па вуліцах Мінска пройдзе традыцыйная Эўхарыстычная працэсія, паведамляе Catholic.by.
10.06.2023 / 22:44
Мінулагодняя працэсія Божага Цела ў Мінску
Працэсію ўзначаліць Мітрапаліт Мінска-Магілёўскі арцыбіскуп Юзаф Станеўскі разам з Генеральнымі вікарыямі архідыяцэзіі біскупамі Юрыем Касабуцкім і Аляксандрам Яшэўскім. У працэсіі таксама возьме ўдзел апостальскі нунцый у Беларусі арцыбіскуп Антэ Ёзіч.
Шэсце з Найсвяцейшым Сакрамантам па вуліцах беларускай сталіцы адбудзецца пасля святой Імшы на цвінтары пры касцёле Найсвяцейшай Тройцы (святога Роха) на Залатой Горцы (пр-т Незалежнасці, 44 А), якая распачнецца а 9-й гадзіне.
Адтуль працэсія пройдзе да плошчы Пермогі, далей — на Кастрычніцкую плошчу і завершыцца пры мінскім кафедральным касцёле Найсвяцейшага Імя Марыі (пл. Свабоды, 9).
Па распараджэнні арцыбіскупа Станеўскага, у гэты дзень з 9.00 да 13.00 іншых святых Імшаў у касцёлах Мінска не будзе.
Чытайце таксама:
У Польшчы ўпершыню прызначылі душпастыра для беларускай каталіцкай супольнасці
У Мінску могуць зачыніць яшчэ адзін касцёл?
У Магілёве падчас набажэнства граў на аргане сам мясцовы біскуп ВІДЭА