U centry Minska ŭ domie dla partyjnaj elity pradajecca kvatera. Jana zajmaje ceły pavierch, a interjery jak u filmach pra francuzskich karaloŭ

Čatyrochpakajovyja apartamienty znachodziacca ŭ znakamitym domie №42 na vulicy Karła Marksa. U kancy 1960-ch tam žyła savieckaja namienkłatura, što dało hmachu niefarmalnuju nazvu «cekoŭka». Siońnia jość realny šaniec prapisacca ŭ elitnym domie. Ale tolki kali vałodajecie sumaj u 1 502 424 rubli, a heta prykładna 495 000 dalaraŭ pa kursie, piša Onliner.by.

06.07.2023 / 16:27

Fota: Onliner.by

Dekaratyŭnyja kałony, lapnyja karnizy i padstolevyja razietki, sałonnaja miakkaja mebla jak ź filmaŭ pra francuzskich karaloŭ, ažurnyja kandelabry, pyšnyja lustry — interjer hetaj kvatery paraŭnalny z pałacavym. Statutnyja materyjały azdableńnia i pradmietaŭ abstanoŭki — dreva z załatoj pacinaj, bronza, marmur, kryštal — uzmacniajuć uražańnie, što budzieš «žyć jak u histaryčnaj mieładramie».

Fota: Onliner.by

Pryčym znachodziacca hetyja apartamienty ŭ cahlanym dzieviacipaviarchoviku. Jon byŭ pabudavany ŭ 1967 hodzie pa prajekcie architektara Juryja Špita. Budynak raźmiaściŭsia na stromkim vybrukavanym spusku zusim pobač z nabiarežnaj Śvisłačy i parkam Maksima Horkaha.

Fota: Onliner.by

Ahulnaja płošča čatyrochpakajovaj kvatery — 164,4 kvadratnaha mietra, žyłaja — 79,7. Asablivy plus płaniroŭki — prastornaja kuchnia, jaje płošča navat bolšaja, čym spalniaŭ. Usie žyłyja pakoi raźmieščanyja aŭtanomna, jany nie prachadnyja. Vyšynia stolaŭ — 2,7 mietra. Praduhledžana dva sanvuzły. Jość dźvie zašklonyja łodžyi.

Fota: Onliner.by

Kvatera zajmaje ŭvieś piaty pavierch. Pieršapačatkova tak i było praduhledžana architekturnym prajektam, rastłumačyli ŭ ahienctvie nieruchomaj majomaści «Silvan-Inviest».

U 2015 hodzie ŭ domie byŭ zrobleny kapitalny ramont. Usie nieabchodnyja kamunikacyi ŭ kvatery zamienieny na sučasnyja. Ustanoŭleny sistema ačystki vady, kandycyjaniery. Jość usia nieabchodnaja bytavaja technika. Kvatera pradajecca razam z haražom, jaki znachodzicca nasuprać doma. Jon uklučany ŭ canu.

Fota: Onliner.by

Vokny vychodziać na vulicu Karła Marksa i Alaksandraŭski skvier, a taksama ŭ dvor. Žyć jak u kino, zastajučysia ŭ «cichim» centry Minska, — takaja historyja.

Fota: Onliner.by

Čytajcie taksama:

Dom z kramaj «Akijan» u Minsku pa zadumcy architektaraŭ mieŭsia vyhladać zusim inakš. Ekskluziŭnyja foty

Viadomaje ŭsim kafe ŭ samym centry Minska vystavili na prodaž. Cana — bolš za 2 miljony dalaraŭ

U Minsku pradajecca kvatera ŭ novym domie z duchoŭkaj pad stollu

Nashaniva.com