У Грэцыі зафіксавалі новы рэкорд спёкі: +46°C
Тэмпературны рэкорд зафіксавалі ў невялікім горадзе Гітэё, размешчаным у перыферыі Пелапанеса.
24.07.2023 / 10:47
З-за спёкі Акропаль у Афінах закрывалі ўдзень. Фота: Simon Skafar / Getty Images
У нядзелю, 23 ліпеня, у Грэцыі зафіксавалі новы тэмпературны рэкорд, калі паветра прагрэлася да больш за 46°C, пра гэта паведамляе Kathimerini са спасылкай на звесткі аўтаматычных метэаралагічных станцый Афінскай Нацыянальнай абсерваторыі.
Тэмпературны рэкорд зафіксавалі ў невялікім горадзе Гітэё, размешчаным у перыферыі Пелапанеса. Спякота там складала 46,4°C.
Гэта новы рэкорд самай высокай тэмпературы ў Грэцыі з моманту пачатку назіранняў у 2006 годзе.
У канцы мінулага тыдня днём слупок тэрмометра ў Грэцыі паказваў больш за 40°C, з-за спёкі Афінскі Акропаль закрывалі на дзённыя гадзіны, каб прадухіліць няшчасныя выпадкі.
Чытайце таксама:
Верхняя мяжа бяспечнай для чалавека тэмпературы — ніжэйшая, чым думалі навукоўцы