У Полацку немаўля выпадкова зачынілі ў машыне, спатрэбілася дапамога ратавальнікаў
У Полацку дзяўчынка, якой няма і года, апынулася адна ў закрытым аўтамабілі. На дапамогу давялося выклікаць ратавальнікаў.
04.08.2023 / 17:02
Скрыншот з відэа
Маці дзіцяці выгружала рэчы з аўтамабіля. Электронны ключ трапіў у салон, спрацаваў цэнтральны замак, і дзверы аўтамабіля зачыніліся. Дзяўчынка засталася ў салоне з зачыненымі вокнамі, і мама не магла да яе трапіць. Між тым аўтамабіль стаяў на сонцы, а тэмпература паветра на двары дасягала 26°С.
Выратавалі сітуацыю толькі выкліканыя супрацоўнікі МНС, якія праз багажнік трапілі ў салон і адкрылі адну з дзверцаў. Дзіця перадалі медыкам. Дзяўчынку агледзелі, шпіталізацыя яе не спатрэбілася, паведамляе МНС.
Чытайце таксама:
У Магілёве аўтамабіль згарэў проста на дарозе
У Мсціслаўскім раёне падчас працы на зернесушылцы загінуў падлетак