Сіноптыкі папярэдзілі пра моцны вецер у сераду — абвешчаны аранжавы ўзровень
Прагноз надвор'я на 4 кастрычніка.
03.10.2023 / 14:10
У сераду ўмовы надвор'я ў Беларусі будуць вызначаць атмасферныя франты ад цыклону, які перамяшчаецца з поўдня Швецыі на Ленінградскую вобласць Расіі.
На большай частцы тэрыторыі краіны пройдуць кароткачасовыя дажджы. У асобных раёнах прагрымяць навальніцы.
Вецер паўднёва-заходні, заходні парывісты, ноччу месцамі, раніцай і днём на большай частцы тэрыторыі рэспублікі моцны парывісты.
Ноччу +11..+16°С, максімальная днём +14..+20°С.
Надвор'е на 4 кастрычніка. Pogoda.by