Мужчына, якога злавілі ў аўтобусе без квітка, назваўся чужым іменем. Вынікі горшыя, чым калі б заплаціў штраф
Жыхар Мінска ехаў у грамадскім транспарце, не заплаціў за праезд і яго злавілі кантралёры. Замест каго, каб назваць сваё імя, ён даў звесткі свайго калегі, а таму праз пэўны час прыйшла квітанцыя на аплату штрафу. Пасля таго ўсё закруцілася для нешчаслівага зайца зусім неспадзявана, паведамляе sb.by.
13.02.2024 / 19:21
Здымак ілюстрацыйны
Незаслужана аштрафаваны чалавек прыйшоў на прыём да ўчастковага і расказаў, што атрымаў ліст з паведамленнем аб тым, што супраць яго завялі справу за неаплату штрафу за безбілетны праезд у грамадскім транспарце. Але ён сам не мог зрабіць такое парушэнне ў прынцыпе, бо транспартам не карыстаецца.
Неўзабаве высветлілася, што чужым імем прадставіўся былы калега мужчыны, з якім раней яны працавалі ў адной арганізацыі. Парушальніка хутка вылічылі. Ён тлумачыў, што, маўляў, думаў, што за гэта нікому нічога не будзе. Аднак у выніку супраць яго распачалі крымінальную справу за незаконныя дзеянні ў дачыненні да інфармацыі аб прыватным жыцці і персанальных даных.
Цяпер парушальніку пагражае пакаранне ў выглядзе грамадскіх работ, штрафу, арышту, абмежавання волі тэрмінам да двух гадоў або пазбаўленнем волі на той жа тэрмін.
Чытайце таксама:
На чыгунцы за год налавілі больш за 6000 зайцоў
«Гэта заўсёды так будзе?» Мінчанка здзівілася незвычайнаму кантролю ў аўтобусе
Міліцыя знайшла жанчыну, якая спрытна збегла ад кантралёраў
Дзяўчына з Брэста дамаглася праз пракуратуру адмены штрафу за безбілетны праезд