Беларускую мову лічаць роднай 54,1% насельніцтва Беларусі
Да Дня роднай мовы Нацыянальны статыстычны камітэт правёў апытанне і высветліў, што 54,1% цяперашняга насельніцтва Беларусі лічаць беларускую мову роднай.
21.02.2024 / 19:46
Згодна з данымі Белстата, беларускую мову на захадзе краіны прызнаюць роднай больш людзей, чым на ўсходзе. Найлепшыя паказчыкі ў Брэсцкай вобласці — 77% апытаных, у Мінскай і Гродзенскай — 59,5% і 54,5% адпаведна.
У Гомельскай вобласці беларускую мову назвалі роднай 47%, у Магілёўскай — 46,1%, у Віцебскай — 45,3% апытаных.
Найбольшую ўдзельную вагу насельніцтва, што лічыць беларускую мову за родную, складаюць людзі, старэйшыя за 70 гадоў — 13,4%. Ва ўзроставай групе ад 30 да 34 гадоў гэта 9,6%, ад 60 да 64 гадоў — 9,4%.
Сярод тых грамадзян Беларусі, якія паводле свайго самавызначэння ідэнтыфікуюць сябе як беларусаў, як родную беларускую мову ўспрымаюць 61,2%.
Чытайце таксама:
Кацярына Хольцапфэль-Варажун: У Аўстрыі перавучыла сына на беларускую за паўгода
Больш за 90% выпускнікоў школ лічаць беларускую мову роднай
«Я баялася і саромелася». Ціханоўская прыгадала, як пачынаўся яе шлях да беларускасці